| 阿仔阿女 開心結婚那天見到大家，一見到大家我就按捺不住，因大家對我來說實在太重要，所以講感受時控制不了，但最尾對你地有關「考試」的比喻，希望大家認真的咀嚼一下當中的意思。 很攪笑呀而家，未結婚前，麒年及媛媛叫「她」做科云姐姐，而家........間唔中會叫佢做「三嬸」，呢個尊稱.......真係無番咁上下都幾難受落。科云姐姐廿幾歲但被人叫阿嬸.......我估都要一段時間去適應。 我兩個舅父已返左去潮州，阿叔阿嬸就住到下星期一就返馬來西亞，希望將來有機會返祖家探佢地，我出世到而家都未返過去祖家。大家唔好以為係吉隆坡呢d發展左的地方，我父親以前住的祖屋係棚屋來的....較落後，希望有朝一日返去尋根。 考試拿，我都係那一句，希望大家盡自己本身應有的能力去應考，有能力的唔好係咁易溫下便算；能力不佳的又唔好為左成績不佳而太過唔開心。 ps：好多人寫心意卡比我同科云姐姐都係寫快些生番個小翁、bb出來比大家「玩」.......點解會係....玩.....好難教架。 老豆 |
| |
| 阿仔阿女 老豆結婚拿，想邀請你地來見證，對我來說，呢件事情係我人生中很重要的一日，希望可以有我認為重要的人一起參與及見證，所以而家搵緊郭寶幫手問緊邊個會來觀禮。若你地去觀禮，我可以安排旅遊巴送你地去註冊的地方，但走就要自己走；你地唔洗擔心，走都好方便，只是你地不懂自己去吧，所以我先會安排車送你地去。 日期： 2008年1月5日 時間：跟車：0900 學校村停車場 不跟車：1030前自行到達大埔香港教育學院 C - LP - 11 (C - LP - 11 係一間好大的房) 到時大家可以帶定相機呀！ 以下呢個網址......你地可以上去睇睇，有好多我與科云姐姐的生活片段，更有我兩的婚紗照.....平時見唔到老豆呢個樣架.........歡迎上去睇睇及留言 http://www.darizi.com/hk/blog/florenzanio/ 呢件係一件好認真、嚴肅、愉快的事情，希望同大家分享，若大家不方便出席，老豆亦會明白。 到時見！ 老豆 |
| |
| 我無所謂喎，如果大家想的可以聚下架lunch或放學，又可以整下野食呀........hehe，但要諗諗玩咩囉，你定問問啦，打波玩遊戲都得架，多有多人玩，少有少人玩既je。 老豆 |
| |
| 阿仔阿女 都唔係好耐無打xanga咋...... 好開心放完暑假後見番大家，雖然而家唔可以日日坐係班房睇你地捉棋、睇那班好嘈的女仔跑來跑去......但見到你地升左上中三，越來越大個，好快就要分班拿..... 大家記住要玩就盡情玩，要讀就專心讀，老豆支持你地架。 老豆 後記：近日都因身邊的同事及朋友的事，令到自己都不大開心，已好一陣子，期望這一種污氣快些離開。 |
| |
| 阿仔阿女 其實我都幾經常上來睇你地寫野架，只是我無時間約你地。好似之前見你地話悶，我就想起可以去唱k及踏單車，但.....教波及奧數及補課，我已放完暑假拿.........所以以免開「空頭支票」的大前題下，我唯有唔建議住，當真正有時間時先約你地啦。其實以往我地都可以繼續透過這個網繼續聯絡下感情，談談近況，可能隨著時間過去，上來的人越來越少都唔定，但我覺得唔不乎多少吧，而是在乎質素，在乎那一份屬於 0607 2A 的感情。 下面的一段說話係在學期尾時，有一日在2A唔知咩情況時，你地好專心而我又無野做時有感而發的，而家比你地睇番啦。 千言萬語 當自己知道將為尖子班班主任時，心情很複雜。一來知道自己有機會再做班主任很雀躍，另方面做尖子班班主任時，我很清楚知道學生、家長以致老師均對尖子班的學生有很高的要求及期望。所以，我對自己說希望以一年的時間，培養你地做到「品」、「學」兼優。 06年9月1日，在禮堂的開學禮圖像仍很清晰在我腦海中。當校長宣佈我將為2A班主任時，全場嘩然。我當時在想，或許所有人均在想(以前被我教過的學生)均估不到我會做那麼注重學術的班主任，他們一定以為我一定係做某一級的「E」班班主任以助管理那些「惡人」。但連我自己也出乎意料之外，我竟然係「2A」人? 初接觸你地，讓我感到我講野的用字與你地相差好遠(到現時我仍然都係咁樣諗)。我係屋邨長大，自問以往不是一個好學生，常常與老師頂撞或甚是欺負老師，讓老師管不了；更時常與其他學生四處遊蕩、做很多不健康的行為及言語。老豆在整個中學生涯均很自我，當遇到問題時亦不願及不懂與人分享、解決，所以漸漸形成唔出聲，較負面的自己，這個也是導致我想當教師的原因：希望我教的小朋友能自律有禮、做人有目標、懂得與人分享喜悅、過有意義的生活、當生長中遇到困難時有人與你地分擔、也懂得替人分憂。 阿仔阿女，你地要努力呀！ 2A的老豆 |
| |
